Мадриднинг «Реал» клуби президенти Флорентино Перес Асьер Ильяррамендини Хаби Алонсога ўринбосар сифатида танлаганликлари борасида хабарларни инкор этди. Шунингдек, Перес жамоа ёзги трансфердаги ишларни якунламаганини маълум қилди.
«Ильярраменди Хаби Алонсога ўринбосар сифатида олингани йўқ. У жуда иқтидорли, ёш яримҳимоячи. У турли чизиқларда тўп сура олиши мумкин. Анчелотти ундаги улкан потенциални кўра олди».
«Ильярраменди, Иско ва Карвахалларнинг сотиб олиниши — клубимизнинг ютуқларни қўлга киритиш йўлидаги олдинга ташланган қадам. Биз жамоа характерига мос бўлган улкан трансферларни амалга ошириш ниятидамиз. Аммо ҳозиролиб борилаётган музокаралар борасида сизга қандайдир маълумотлар айта олмайман».
«Фалькао билан шартнома имзолашимиз мумкин эдими? У дунёнинг энг кучли ҳужумчиларидан бири, аммо бу ҳақида энди гапиришнинг ҳожати йўқ», дейди Перес.