"Манчестер Сити" ярим ҳимоячиси Родри "Брентфорд"га қарши ўйинда олган жароҳати ҳақидаги саволга жавоб берди.
Испаниялик футболчи ўйинни асосий таркибда бошлади, бироқ 22 дақиқадан сўнг жароҳати сабаб майдонни тарк этишга мажбур бўлди, унинг ўрнига Нико баҳсни давом эттирди.
Учрашув “шаҳарликлар”нинг 1:0 ҳисобидаги ғалабаси билан якунланди. "Мен яхшиман. Пайларимда бироз ноқулайлик сездим, лекин ҳозир яхшиман.
Асосийси, биз ғалаба қозондик", – деди Родри.













