Жаҳон тенниси афсонаси Рафаэль Надаль "Реал"нинг "Вильярреал"га қарши сўнгги ўйинига ташриф буюрди ва унда Хаби Алонсо шогирдлари 3:1 ҳисобида ғалаба қозонди. Надалда Килиан Мбаппенинг ўйини катта таассурот қолдирди - у франциялик форвардни дунёнинг энг яхши футболчиси деб ҳисоблайди.
"Ўйлайманки, "Реал" раҳбарияти дунёнинг энг яхши футболчисини ўз сафига қўшиб олаётганини аниқ тушунди. Мбаппе мавсумни ажойиб бошлади. У ҳақиқатан ҳам дунёдаги энг яхшиси," - дея Надалнинг сўзларини келтиради derbyderbyderby.it.
Мбаппе ўтган йили "Реал"га кўчиб ўтган, бунгача у Францияда - аввал "Монако", кейин "ПСЖ"да тўп тепган.
