Каталониянинг "Барселона" клуби "Манчестер Юнайтед"дан мавсум охиригача ижарага олинган англиялик ҳужумчи Маркус Рэшфорднинг ўйин даражасидан мамнун.
The Sun портали хабарига кўра, "кўк-анорранглилар" раҳбарияти ҳужумчининг тўлақонли трансферини расмийлаштиришни режалаштирмоқда. Рэшфордни сотиб олиш Каталония грандига 25 миллион еврога тушиши мумкин, яна 5 миллион "қизил иблислар"га бонус тўловлари сифатида ўтиши мумкин.
Маркус ўтган трансфер ойнасида "Барселона"га ижарага берилганди. Жорий мавсумда инглиз каталонияликлар сафида ўнта баҳсда майдонга тушиб, ўз ҳисобига учта гол ва бешта ассист ёздириб қўйди.
