Каталониянинг "Барселона" клуби раҳбарияти жамоа марказий ҳужумчиси Роберт Левандовски бўйича режаларини белгилаб олди. Sport.es журналистларига маълум бўлишича, "кўк-анорранглилар" польшалик тажрибали голеадор билан янги меҳнат шартномасини имзоламайди.
37 ёшли ҳужумчи 2022 йилнинг июлидан бери каталонияликлар шарафини ҳимоя қилмоқда. Роберт билан "кўк-анорранглилар" ўртасидаги амалдаги меҳнат шартномасининг муддати келаси йилнинг ўрталарида тугайди. Левандовскининг бозор нархи ўн миллион еврони ташкил этади.
Испания чемпионатининг жорий мавсумида ҳужумчи еттита ўйинда қатнашиб, тўртта гол урди.
