"Милан" вингери Рафаэль Леау Португалия терма жамоасининг Венгрияга қарши сешанба куни бўлиб ўтадиган ўйинида майдонга туша олмайди.
26 ёшли футболчи жамоанинг якшанба кунги машғулотларини ўтказиб юборди. Португалия терма жамоаси матбуот хизматининг хабар беришича, Леау жамоани тарк этди - унинг учун октябрдаги йиғин якунланди. Бош мураббий Роберто Мартинес футболчининг жисмоний тайёргарлигини ўрганиб чиққач, шундай қарорга келган.
11 октябрь куни Ирландияга қарши кечган сўнгги баҳсда Рафаэль Леау 61-дақиқада Педру Нету ўрнига захирадан майдонга тушганди. Учрашув португалларнинг минимал ҳисобдаги ғалабаси билан якунланди.













