Англия терма жамоаси бош мураббийи Томас Тухель жамоанинг 27 ёшли форварди, жорий мавсум "Барселона" сафида тўп тепаётган Маркус Рэшфорднинг имкониятларини юқори баҳолади.
"Маркус ўз имкониятларидан максимал даражада фойдаланишда давом этиши муҳим. Унинг планкаси жуда-жуда баланд. Балки бошқаларникидан баландроқдир. Унда бу салоҳият бор, лекин "салоҳият" катта спорт учун хавфли сўз. Мунтазам равишда ўз қобилиятингизни максимал даражада кўрсатишингиз керак. Бу истеъдод масаласи эмас. Бу унинг асосий таркибда ёки захирадан майдонга тушишидан қатъи назар, клуб ва халқаро миқёсда буни исботлай оладими, деган савол бор.
Маркус дунёнинг энг яхши футболчиларидан бири бўлиши мумкин. Унинг даражасини машғулотларда кўриб турибман, икки оёғи ва боши билан ҳужумларни якунлайди. У портловчи, тезкор, иккинчи қаватдаги ўйинда кучли, шундай экан, унинг чегараси қаерда? Чегара йўқ, лекин кўрсаткичлар унинг салоҳиятини акс эттирмайди. У голли ҳужумларда иштирок этишга ҳаракат қилиши керак. Мен унга бу ҳақда гапирдим.
Рэшфорд ҳали ҳам ўйинини тиклаш жараёнида. У қарор қабул қилиши керак. У тўғри қарор қабул қилиш ва таслим бўлмаслик учун етарлича ёш. Акс ҳолда, 10 йилдан кейин у эришиши мумкин бўлган ва аслида эришган нарсасидан ҳафсаласи пир бўлади", - дея Тухелнинг сўзларини келтиради Goal.
Жорий мавсумда Рэшфорд "Барселона"нинг барча мусобақалардаги 10 ўйинида 3 гол урди ва 5 голга узатма берди.
