Йон Даль Томассон Швеция терма жамоаси бош мураббийлигидан кетди. Швеция футбол иттифоқи 49 ёшли мутахассис билан хайрлашишга қарор қилгани ҳақида Sportbladet нашри ўз саҳифаларида маълум қилди.

Томассон жамоанинг 2026 йилги Жаҳон чемпионати саралашида ўз уйидаги иккита мағлубиятидан сўнг ишини йўқотди. Швеция терма жамоаси дастлаб Швейцарияга (0:2), кейин эса Косово жамоасига (0:1) имкониятни бой берди.

Швеция терма жамоаси 4 ўйинда атиги 1 очко жамғарган ҳолда саралаш гуруҳида сўнгги ўринни эгаллаб турибди.

Томассон қўл остида Швеция терма жамоаси 18 та ўйин ўтказиб, 9 та ғалаба, 2 та дуранг ва 7 та мағлубият қайд этган.