Yon Dal Tomasson Shvesiya terma jamoasi bosh murabbiyligidan ketdi. Shvesiya futbol ittifoqi 49 yoshli mutaxassis bilan xayrlashishga qaror qilgani haqida Sportbladet nashri o‘z sahifalarida ma’lum qildi.

Tomasson jamoaning 2026 yilgi Jahon chempionati saralashida o‘z uyidagi ikkita mag‘lubiyatidan so‘ng ishini yo‘qotdi. Shvesiya terma jamoasi dastlab Shveysariyaga (0:2), keyin esa Kosovo jamoasiga (0:1) imkoniyatni boy berdi.

Shvesiya terma jamoasi 4 o‘yinda atigi 1 ochko jamg‘argan holda saralash guruhida so‘nggi o‘rinni egallab turibdi.

Tomasson qo‘l ostida Shvesiya terma jamoasi 18 ta o‘yin o‘tkazib, 9 ta g‘alaba, 2 ta durang va 7 ta mag‘lubiyat qayd etgan.