Италия терма жамоаси дарвозабони Жанлуижи Доннарумма Исроилга (3:0) қарши ўйиндан сўнг интервью берди.

"Скуадра адзурра" қаторасига бешинчи учрашувда ғалаба қозонди, аммо Норвегиядан уч очко ортда қолган ҳолда гуруҳда иккинчи ўринни эгаллаб турибди. Июнь ойида бўлиб ўтган ўзаро баҳсда италияликлар Скандинавия терма жамоасига йирик ҳисобда ютқазишганди (0:3), шундан сўнг Лучано Спаллетти мураббийлик лавозимини тарк этгани эълон қилинди. Унинг ўрнини Женнаро Гаттузо эгаллади.

"Ҳозирда хато қилишга ҳаққимиз йўқ - акс ҳолда жаҳон чемпионатига тўғридан-тўғри йўл олиш учун сўнгги имкониятдан маҳрум бўламиз. Аммо биз ноябрь ойидаги ўйинлар ва эҳтимолий плей-офф ўйинларига тайёрмиз. Бизда кучли жамоа бор ва биз ЖЧ-2026га борамиз, бунга ишончим комил," - деди Доннарумма Sky Sport нашрига берган интервьюсида.

Ноябрь ойида Италия терма жамоаси Молдова (сафарда, 13.11) ва Норвегия (уйда, 16.11) билан куч синашади.