"Фенербахче" марказий ҳимоячиси Милан Шкриньяр "Ювентус" қизиқишлари доирасига тушиб қолди.
"Кекса синьора" раҳбарияти словак футболчисини январь ойи учун устувор трансфер мақсади сифатида белгилади, дея хабар бермоқда La Gazzetta dello Sport. Турин клуби Глейсон Бремернинг жароҳатлар билан боғлиқ муаммолари фонида марказий ҳимояни кучайтиришга интилмоқда.
Милан Шкриньярнинг Transfermarkt сайтидаги тахминий нархи - 12 млн евро. 30 ёшли футболчи жорий йилнинг июль ойида "ПСЖ"дан "Фенербахче"га кўчиб ўтган, бунгача эса турк жамоасида ижара асосида тўп тепган. Францияга жўнаб кетишдан олдин марказий ҳимоячи етти ярим йил Италияда бўлиб, у ерда "Сампдория" (2016-2017) ва "Интер" (2017-2023) клубларида ўйнаган.
