"Манчестер Сити" бош мураббийи Хосеп Гвардиола ҳимоячи Жон Стоунз жароҳатлар билан боғлиқ барча муаммоларини ҳал қила олдими, деган саволга жавоб берди.
"Умид қиламанки, шундай. Унинг шартномаси ёзда тугайди? Бу ҳақда мендан сўраманг, қарор клубда бўлади. Треблни қўлга киритган йилимиз у ақл бовар қилмас даражада эди, аммо ўшандан бери у барқарор ўйнай олмаяпти, кўп марта жароҳат олди. Кутиш ва кўриш керак," - дея Гвардиоланинг сўзларини келтиради City Report.
Стоунз "Манчестер Сити" сафида 2016 йилдан буён тўп тепиб келмоқда. Жорий мавсумда 31 ёшли ҳимоячи барча мусобақаларда олтита учрашувда майдонга тушди ва гол ура олмади.
