"Манчестер Сити" бош мураббийи Хосеп Гвардиола Мадриднинг "Атлетико" клубида тўп тепаётган жамоанинг собиқ ҳужумчиси Хулиан Альварес ҳақида фикр билдирди.

"Бизнинг требль қилган йилимизда захирамизда Лапорт, Альварес ва бошқалар бор эди. Уларни бажонидил сақлаб қолган бўлардим, лекин улар ўйнашни хоҳлашди. Хулиан - энг зўри. Шунинг учун у ҳозир дунёнинг энг яхши клубларидан бири - "Атлетико"да. У юқори савиядаги мураббий қўл остида, юқори савиядаги футболчилар билан ўйнайди ва ақл бовар қилмайдиган натижалар кўрсатади," - дея Гвардиоланинг сўзларини келтиради City Xtra.

Хулиан Альварес 2022-2024 йилларда "Манчестер Сити" шарафини ҳимоя қилган, шундан сўнг 75 миллион евро эвазига "Атлетико"га ўтганди. Бу мавсумда аргентиналик футболчи барча мусобақаларда тўққизта ўйин ўтказиб, еттита гол урди ва учта голли узатмани ўз ҳисобига ёздириб қўйди.