"Фулхэм" бош мураббийи Марку Силва "Арсенал" даражасига баҳо берди. "Коттежерлар" ва "канонирлар" ўртасидаги баҳс бугун Тошкент вақти билан соат 21:30да бошланади.
"Ўтган мавсум билан солиштирадиган бўлсак, "Арсенал" захира ўриндиғини анча кучайтирди. Жамоа жуда кучли экани барчага аён ва бу ўйинда, натижаларда ўз аксини топмоқда.
"Арсенал"нинг ҳимоядаги ишончлилиги ҳеч кимни ажаблантирмади. Эҳтимол, уларнинг марказий ҳимоячилари нафақат АПЛда, балки бутун Европада энг кучлилардан биридир," - деди Силва матбуот анжуманида.
Микель Артета жамоаси 7 турдан сўнг 16 очко билан Премьер-лига турнир жадвалида пешқадамлик қилмоқда. "Фулхэм" 8 очко билан 14-поғонани банд этган.
