Мадриднинг "Реал" клуби дарвозабони Тибо Куртуа якшанба куни Ла Лига доирасида "Хетафе"га қарши кечган баҳсда (1:0) жароҳат олди.
Бельгиялик футболчи ўйин охирида жароҳат олди, "қаймоқранглилар"да эса ўйинчи алмаштириш имконияти қолмаганди. Бироқ, журналист Хавьер Эрраэснинг ёзишича, юлдуз дарвозабон жиддий жароҳатдан қутулиб қолган - унда одатий лат ейиш бор. Хаби Алонсо 26 октябрь куни бўлиб ўтадиган "Барселона"га қарши чемпионатнинг навбатдаги тур учрашувида Куртуага умид боғлаши мумкин.
"Эл-Класико" олдидан Мадрид гранди Чемпионлар лигасида "Ювентус"га қарши баҳс олиб боради - бу ўйин 22 октябрь, чоршанба куни бўлиб ўтади.
Тибо Куртуа жорий мавсум 11 ўйинда ўнта гол ўтказиб юборди.
