Каталониянинг "Барселона" клуби футболчилари таътилдан қайтиб келди, дея хабар бермоқда клуб расмий сайти.
Испания чемпионлари келгуси мавсум тайёргарлиги доирасидаги илк машғулотларда иштирок этдилар.
Айтиш жоиз, "Барса" янги мавсумни 18 август куни "Леванте"га қарши ўйин билан бошлайдилар. Сўнгра 21 ва 24 август кунлари Мадриднинг "Атлетико" клуби билан Испания Суперкубоги учун бўлажак баҳсларда майдонга тушишади.