«Барселона» ярим ҳимоячиси Серхио Бускетс жамоа билан янги шартномага имоз чекди. Клуб расмий сайтининг маълум қилишича, энди футболчи 2018 йилга қадар «Барселона»да қолади.
Шуни ҳам алоҳида таъкидлаш жоизки, бу 25 ёшли футболчининг туғилган кунига ажойиб совға бўлди.
Янги шартномага кўра Бускетсни сотиб олмоқчи бўлган жамоа 150 миллион еврони қурутдай санаб бериши керак бўлади.
Бускетс «Барселона» таркибида 4 марта Испания чемпионлигини, 2 марта мамлакат кубогини, 2 марта чемпионлар лигасини ва клублар ўртасидаги жаҳон чемпионатининг олтин медалини қўлга киритган. Бундан ташқари Сержи жаҳон ва Европа чемпиони ҳам ҳисобланади.













