Мадриднинг "Реал" клуби ва Испания терма жамоасининг собиқ дарвозабони Икер Касильяс португалиялик мураббий Жозе Моуриньо қўл остида "қироллик клуби"даги фаолиятини эслади.
"Кимдир бизни бир-биримиздан нафратланамиз, дейди. Аммо вақт ўтиши билан муносабат ўзгаради. Биз нафрат ва муҳаббат ўртасида мулоқот қилдик. Бу худди 20 йил олдинги қиз билан муносабатга ўхшайди. Вақт ўтгач, сен унга бутунлай бошқача кўз билан қарайсан. "Реал"да ажойиб вақт бўлди, клуб ҳамма нарсадан устун," - деди собиқ дарвозабон.
Эслатиб ўтамиз, Касильяс 1998-2015 йилларда "қироллик клуби" шарафини ҳимоя қилган.
