Журналист Девид Орнштейннинг ёзишича, "Арсенал" 15 ёшли ҳужумкор ярим ҳимоячи Макс Доуман билан илк шартномаси шартларини имзолаш борасида келишувга эришган. У 17 ёшга тўлганида профессионал шартнома ҳам имзолаши кутилмоқда.

Англиялик футболчига яхшироқ таклифлар бўлиши мумкин эди, чунки у дунёнинг кўплаб етакчи клублари эътиборига тушганди, аммо "Арсенал" мухлислари оиласидан бўлган ва отаси музокаралар олиб борган Доуман фаолиятини "Эмирейтс"да давом эттиришга қарор қилди. 31 декабрь куни Доуман 16 ёшга тўлганидан сўнг, "Арсенал" унга 17 ёшга тўлган куни кучга кирадиган биринчи профессионал шартномани таклиф қилиши мумкин бўлади.

Доуман бу мавсумда Англия ва Европанинг энг умидли футболчиларидан бирига айланди. У АПЛдаги дебютини август ойида "Лидс"га қарши ўйинда 15 ёшу 235 кунлигида ўтказган. Умуман олганда, у жорий мавсумда "Арсенал"нинг асосий жамоаси сафида барча мусобақаларда учта ўйинда майдонга тушди.