“Реал Мадрид” яримҳимоячиси Жуд Беллингем Испания Примерасининг 10-туридан ўрин олган “Барселона”га қарши ўйин олдидан фикрларини билдирди. Ушбу беллашув 26 октябрь, якшанба куни “Сантьяго Бернабеу”да бўлиб ўтади.

“Фикримча, ҳамма билади — бундай учрашувлардаги голлар ва ғалабаларнинг аҳамияти бошқача. Улар сени мавсумнинг қолган қисми учун эмоционал ва руҳий жиҳатдан тайёрлайди. Асосий рақибинг устидан ғалаба қозониш, чемпионлик учун курашда ишонч бағишлайди ва яхши мавсум ўтказишга туртки беради.

Жуда муҳим жиҳат — ўйинни, вазиятни, ҳиссиётларни ва ҳал қилувчи бўлиши мумкин бўлган айрим деталларни назорат қилиш. Асосийси — 90 дақиқа давомида руҳий барқарорликни сақлаб қолиш. Биз рақиб қандай ўйнашини ва ўзимиз қандай ўйнашни хоҳлашимизни яхши биламиз. Шу боис, бошқа барча нарсани — асабни, босимни, атмосферани тўғри назорат қилиш керак. Айнан шу деталлар ҳал қилувчи аҳамият касб этиши мумкин”, — деди Беллингем клубнинг расмий сайтига берган интервьюсида.

9 турдан сўнг “Реал” 24 очко билан Примерада пешқадамлик қилмоқда. “Барселона” эса 22 очко билан иккинчи ўринда бормоқда.