Якшанба куни Испания Ла Лигасида "Реал" - "Барселона" учрашуви бўлиб ўтади. Opta компанияси мутахассислари суперкомпьютер ёрдамида жамоаларнинг ушбу ўйинда муваффақият қозониш имкониятларини ҳисоблаб чиқишди.
Ҳисоб-китоблар шуни кўрсатдики, "Реал"нинг "класико"да ғалаба қозониш имконияти 45,3 фоизни ташкил этади. "Барселона"нинг имкониятлари 31,1 фоиз. Шунга кўра, дуранг эҳтимоли 23,6% билан ўлчанади.
Айтиш керакки, ўтган мавсумда "Барселона" барча мусобақаларда ўзаро 4 ўйинда ҳам "Реал"ни мағлуб этган.
Испания чемпионати доирасидаги "Реал" - "Барселона" учрашуви 26 октябрь куни Тошкент вақти билан 20:15да бошланади.
