"Ливерпуль" сардори Виржил ван Дейк "Брентфорд"га (2:3) қарши ўйиндан сўнг журналистлар билан суҳбатлашди. "Қизиллар" Премьер-лиганинг кетма-кет тўртинчи ўйинида мағлуб бўлди - бу жамоанинг деярли беш йил ичидаги энг ёмон серияси.
"Биз жуда хафа бўлдик. Биз "Брентфорд"нинг кучли томонларини билардик, аммо уддалай олмадик. Буни қабул қилиш оғир, лекин ҳақиқат шундай. Бу мавсумда бизга анча муаммолар келтириб чиқарган "Кристал Пэлас" билан ўйинга тайёргарлик кўриш учун олдинга боришимиз керак. Вазиятни тезроқ ўзгартириш, фикрлашни ўзгартириш керак.
Вазият осон эмас, буни инкор этиб бўлмайди, лекин биз уддалашимиз керак. Ҳозир бизга ҳар қачонгидан ҳам кўпроқ ёрдам керак", - деди ван Дейк.
"Ливерпуль" 9 турдан кейин 15 очко билан АПЛ турнир жадвалида олтинчи ўринда бормоқда.
