"Барселона" яримҳимоячиси Гави "эл-класико"да "Реал"га (1:2) мағлуб бўлган жамоадошларини қўллаб-қувватлади.
21 ёшли футболчининг ўзи ўйинда қатнаша олмади - у тиззасидан олган жароҳатидан тикланишда давом этмоқда.
"Ўлимгача доим сиз билан," - деб ёзди хавбек ижтимоий тармоқдаги саҳифасида "Барса"нинг "Сантьяго Бернабеу"даги ўйиндан олинган жамоавий суратини илова қилиб.
Каталонияликлар сафидаги ягона гол 38-дақиқада Фермин Лопес томонидан киритилди. Учрашувнинг 22- ва 43-дақиқаларида Килиан Мбаппе ҳамда Жуд Беллингемнинг аниқ зарбалари "Реал"га ғалаба келтирди.
