Лондоннинг "Арсенал" клуби бош мураббийи Микель Артета 15 ёшли Макс Доуман билан ишлаш таассуротлари билан ўртоқлашди.
Ёш футболчи "канонирлар" сафида премьер-лигада дебют қилишга ҳам улгурди. Клуб янги юлдуз билан узоқ муддатли шартнома имзоламоқчи.
"Макс Доуманнинг машғулотларда иштирок этаётганини кўриб, унинг ўйнаши кераклигини тушунасиз. Агар йўқ бўлса, сиз кўрсиз ёки мен кўрман. Сезишимча, бу ер унга чиндан ҳам ёқади. Макс бутун оиласи каби "Арсенал" мухлиси. Умид қиламанки, у биз билан узоқ йиллар қолади", - дея Артетанинг сўзларини келтиради журналист Фабрицио Романо.
Бугун "Арсенал" ўз майдонида Лига кубоги доирасида "Брайтон"ни қабул қилади.
