"Манчестер Юнайтед"нинг собиқ футболчиси Рио Фердинанд Криштиану Роналдунинг муваффақияти ҳақида гапирди.
Португалиялик ҳужумчи 40 ёшида ҳам "Ан-Насср" ва миллий терма жамоаси учун мунтазам равишда гол уришда давом этмоқда.
"Роналду эришган ютуқларга ҳамма эришишни хоҳлайди, аммо 99,9% одамлар унинг қилаётган ишини бажаришдан бош тортадилар.
Мен унинг изчиллиги, фидойилиги, машғулотлари, тўғри овқатланиши, уйқуси ва бошқалар ҳақида гапиряпман.
Криштиануда мени энг кўп ҳайратга соладиган нарса айнан шу ва бунинг учун у улкан ҳурматга лойиқ", - дея Фердинанднинг сўзларини келтиради Al Nassr Zone.
