Мадриднинг "Реал" клуби футболчиси Килиан Мбаппе "Тоттенхэм" ҳужумкор ярим ҳимоячиси Хави Симонс ҳақида фикр билдирди.
Франциялик ҳужумчи нидерландиялик футболчи билан "ПСЖ"да бирга ўйнаган.
"Симонс жуда иқтидорли футболчи. У ўз вақтида тўғри қарор қабул қилиб, ўйин амалиёти учун ПСВга кўчиб ўтган. Ёшлигингда топ-клубда ўзингни кўрсатиш қийин. Кейин у "РБ Лейпциг"га ўтди, у ерда ҳам ажойиб эди ва энди "Тоттенхэм"га ўтди. Умид қиламанки, Хави ривожланишда давом этади ва ўзи интилаётган ҳамма нарсага эришади. Унга энг яхши тилакларни тилайман," - дея Мбаппенинг сўзларини келтиради Madrid Universal.
Хави Симонс август ойида "РБ Лейпциг"ни "Тоттенхэм"га алмаштирганди. Трансфер қиймати 65 млн еврони ташкил этган.
