«Ноттингем Форест»нинг 22 ёшли ярим ҳимоячиси Эллиот Андерсонга Англия Премьер-лигасининг бошқа вакили — «Манчестер Юнайтед» қизиқиш билдирмоқда, деб хабар беради Caught Offside нашри.
«Қизил иблислар» қишки трансфер ойнасида футболчини ўз сафига қўшиб олишга уриниб кўради. Шу билан бирга, «ўрмончилар» ярим ҳимоячини 80 миллион еврога баҳоламоқда. Эллиотнинг «Ноттингем Форест» билан меҳнат шартномаси 2029 йилнинг ўрталаригача амал қилади.
2025/2026 йилги мавсумда Андерсон 12 та учрашувда иштирок этиб, бир бор голли узатма берган. Transfermarkt портали унинг бозор қийматини 45 миллион евро деб баҳолаган.
