Англия терма жамоаси ва «Ньюкасл»нинг собиқ ҳужумчиси Алан Ширер Премьер-лига жорий мавсумида Лондоннинг «Арсенал» жамоаси ўйини ҳақида фикр билдирди.
«Бу жамоада ҳеч қандай заиф жой кўрмаяпман. Улар яна стандарт ҳолатдан гол урди, аммо бу фақат уларнинг ўйин услубининг бир қисми, холос. Менга мураббийлар штаби Тимбер ва Калафьорини ҳужумда қандай фойдаланаётгани ёқади. Улар сон жиҳатдан устунлик яратишади ва стандарт вазиятларда имкониятларидан самарали фойдаланишади», — деб Ширернинг сўзларини BBC Sport келтирди.
Англия чемпионатининг ўнинчи турида «канонирлар» «Бёрнли»ни 2:0 ҳисобида мағлуб этишган. «Арсенал» АПЛ жадвалида якка етакчиликни сақлаб қолмоқда.
