Мадриднинг «Реал» клуби ҳимоячиси Альваро Каррерас ўз жамоадоши Винисиус Жуниор ҳақида фикр билдирди.

«Қаймоқранглилар»нинг бразилиялик ҳужумчиси Ла Лиганинг 11-турида «Валенсия»га қарши ўйинда (4:0) пенальтини амалга ошира олмаган эди.

«У мендан узр сўрашининг ҳожати йўқ. Мен унга ишонаман ва уни яхши кўраман. У ажойиб жамоадош — бизда жуда яхши муносабатлар бор, ва бунинг барчаси жамоа ичида қолади», — дея Каррераснинг сўзларини келтирган Marca нашри.

Жорий мавсумда Винисиус барча мусобақаларда 14 та учрашувда майдонга тушиб, 5 та гол урган ва 4 та голли узатма амалга оширган.