«ПСЖ» ҳужумчиси Усмон Дембеле Чемпионлар лигаси 4-турида «Бавария»га қарши баҳсни ўтказиб юбориши мумкин.

Парижликлар сешанба куни мюнхенликларни қабул қилади. Аввалроқ сонидан олган жароҳати туфайли бир ойни ўтказиб юборган парижликлар вингери шанба куни бўлиб ўтган «Ницца»га қарши баҳсда (1:0) ўша жароҳатини қайталаб олди.

L’Équipe хабар беришича, француз футболчи ўша куни сонида оғриқ ҳис қилгани учун асосий таркибда майдонга тушмаган. У 72-дақиқада захирадан ўйинга қўшилган. Ғалабани жамоадошлари билан нишонлар экан, у ўнг сонининг орқа қисмига қўл текказди ва оғриқни ҳис қилди.

Ligue 1+ видеоёзувларида Дембеле жамоадоши Ашраф Ҳакимийга мурожаат қилиб шундай дегани эшитилади: «Соним оғрияпти. Жуда оғрияпти».