Франциянинг «ПСЖ» клуби ва Италия терма жамоасининг собиқ ярим ҳимоячиси Марко Верратти ҳозирда фаолият олиб бораётган Қатардаги ҳаёт тарзи ҳақида гапирди. Унинг таъкидлашича, Яқин Шарқда ҳаётнинг бошқача ритми унга кўпроқ маъқул келган.
«Ростини айтсам, бу ер менга жуда ёқади — чунки бу ерда мен тўп билан ишлайман, югурмайман. Бу ерда ҳаёт эрталаб эмас, балки тушдан кейин ва кечқурун, тахминан соат 16:00 дан тунгача жонланади. Шу тарзда яшаш менга маъқул. Шунингдек, менга тушдан кейин машғулот ўтказиш, эрталаб эса ҳеч қандай машғулот бўлмаслиги ҳам ёқади», — дея Верраттининг сўзларини derbyderbyderby.it нашри келтиради.
Эслатиб ўтамиз, Марко Верратти илгари Италиянинг «Пескара» жамоасида ҳам ўйнаган, кейин эса 11 йил давомида “ПСЖ” шарафини ҳимоя қилган. Ҳозирда у Қатарнинг «Ал-Дуҳайл» клуби сафида тўп тепмоқда.
