Афсонавий мураббий Сэр Алекс Фергюсон "Манчестер Сити" устози Хосеп Гвардиолага мурожаат қилди. Якшанба куни Гвардиола мураббий сифатидаги 1000-ўйинини ўтказади.
"Пеп! Сизни нуфузли Шон-шуҳрат зали - "1000 клуб"да кутиб олишдан жуда мамнунман. Сизнинг ўйинга бўлган чуқур муҳаббатингиз ва иштиёқингиз доимо яққол намоён бўлган ва сиз жаҳон футболида қолдиришда давом этаётган ўчмас изингиз билан ҳақли равишда фахрланишингиз мумкин.
1000 ўйинлик маррага эришиш ва бундай узоқ фаолият олиб бориш муҳим аҳамиятга эга. Европанинг учта энг рақобатбардош лигаларида чемпионлар, Чемпионлар лигаси ва ички кубокларни қўлга киритишда давом этаётганингиз жуда ажойиб" - деди Фергюсон, Футбол менежерлари ассоциацияси номидан.
"Манчестер Сити" 9 ноябрь куни "Ливерпул"га қарши ўз уйида АПЛ ўйинини ўтказади.
