"Милан" дарвозабони Майк Меньян келаси мавсумда қаерда ўйнашни исташини ҳал қилди.
Gazzetta dello Sport нашри тарқатган хабарга кўра 30 ёшли француз "Милан" билан шартномаси якунлангач, Лондоннинг "Челси" клубига ўтмоқчи. Шу билан бирга, Меньян ҳамон "Бавария" ва "Ювентус"нинг эҳтимолий таклифлари учун очиқ экани қайд этилган.
Меньян "ПСЖ" тарбияланувчиси ҳисобланади. У "Милан" сафида 2021 йилдан буён тўп тепиб келмоқда. Бу мавсумда дарвозабон барча мусобақаларда 12та ўйинда майдонга тушиб, 9та гол ўтказиб юборди ва 6 марта ўз дарвозасини дахлсиз қолдиришга муваффақ бўлди.
Меньянинг Италия жамоаси билан меҳнат шартномаси келаси ёзда ўз ниҳоясига етади.
