"Эвертон" вингери Илман Ндиайе Европанинг гранд клублари қизиқишлари доирасида бўлиб турибди.
teamTALK маълумотига кўра, 25 ёшли сенегалликнинг хизматларига "Тоттенхэм", "Ньюкасл", "Ювентус", "Милан" ва "Атлетико" клублари қизиқиш билдирмоқда. Шу билан бирга, таъкидланишича, "шпорлар" Ндиайени асосий трансфер мақсадларидан бири сифатида кўрмоқда, чунки клуб яқин қишда ҳужум чизиғини кучайтиришга қатъий қарор қилган.
Англия Премьер-лигасининг жорий мавсумида Ндиайе барча мусобақаларда 11та ўйинда майдонга тушиб, рақиблар дарвозасини 4 марта ишғол қилди ва 1та ассистни ўз ҳисобига ёздириб қўйди.
Transfermarkt портали мутахассислари вингернинг нархини 35 миллион еврога баҳоламоқда.
