Бразилия терма жамоаси бош мураббийи Карло Анчелотти Родригонинг қийинчиликлари ҳақида ўз фикрларини билдириб ўтди.
"Реал"нинг 24 ёшли футболчиси ўтган мавсумда жамоани италиялик мураббий бошқарганида руҳий муаммоларга дуч келган эди.
"Қийин кунларни бошдан кечираётганингда атрофдагиларнинг ёрдамига муҳтож бўласан. Ҳозир Родриго ўзини яхши ҳис қилаётганини кўриб турибман - у мотивацияга эга ва бахтли, буни ўтган мавсум охирида айтиб бўлмасди. Мен алоҳида нимадир қилганим йўқ, лекин унинг муаммоси нимада эканлигини тушундим ва ёрдам беришга ҳаракат қилдим," - дея Анчелоттининг сўзларини келтиради Madrid Xtra.
Жорий мавсумда Родриго Хаби Алонсо даврида "Реал"нинг асосий таркибида деярли майдонга тушмаяпти, шу сабабли ОАВда футболчининг кетиши мумкинлиги ҳақидаги миш-мишлар тинмаяпти.
