"Пари Сен-Жермен" Мадриднинг "Атлетико" клуби ҳужумчиси Хулиан Альварес трансферини фаол ўрганмоқда.
Журналист Саша Тавольерининг маълум қилишича, парижликлар бир неча ҳафтадан бери эҳтимолий трансфер шартларини таҳлил қилмоқда, футболчининг ўзи эса Луис Энрике қўл остига ўтиш ғоясига ижобий қарамоқда. "ПСЖ" бош мураббийи аргентиналик футболчига юқори баҳо бермоқда ва 25 ёшли форвард унинг ҳужум моделига жуда мос келади, деб ҳисобламоқда.
Манбага кўра, "Атлетико" тахминан 120 млн евролик таклиф бўлса, Альваресни сотишга тайёр. У жорий мавсум Ла Лигада 12 та ўйинда 7 та гол ва 2 та голли узатмани ўз ҳисобига ёздириб қўйди.













