Жаҳон чемпионати - 2026 саралаш босқичи доирасида Шотландия терма жамоаси ўз майдонида Дания устидан 4:2 ҳисобида ғалаба қозонди. Мезбонлар ҳимоячиси Киран Тирни учрашувдан олган таассуротлари билан ўртоқлашди.
"Бу ҳаётимдаги энг яхши ўйинлардан бири бўлди. Биз ҳаммамиз ғалабага лойиқ эдик. Голим чиройли чиқди, кейин Кенни яна гол уриб, вазиятни юмшатди. Ажойиб оқшом," - дея футболчининг сўзларини келтиради УEФА матбуот хизмати.
Шотландия терма жамоаси 13 очко билан гуруҳда биринчи ўринни эгаллади ва 2026 йилги жаҳон чемпионатига йўл олди. Дания 11 очко жамғариб, 2-поғонадан плей-оффга йўл олди.













