"Интер Майами" ҳужумчиси Лионель Месси Sport.es спорт нашри томонидан "Барселона"нинг XXI асрдаги энг яхши футболчиси совринини қўлга киритди.
Нашр раҳбари Жоан Вехилс ҳозирги клуби базасида 38 ёшли аргентиналик футболчига кубокни топшириш учун Майамига борган. Лео тиғиз жадвал туфайли маросимга ўзи Мадридга кела олмади. Месси мукофотлангандан сўнг, "Барселона" мухлислари унга клуб ва шаҳарда ўтказган йиллари учун миннатдорчилик билдираётгани акс этган видео намойиш этилди.
"Ҳақиқат шундаки, биз биргаликда кўп нарсаларни бошдан кечирдик, яхши ва унчалик эмас. Бундай узоқ карера давомида ҳамма нарса силлиқ бўлмаслиги ва қийин дамларни бошдан кечиришга тўғри келиши табиий ҳол. Лекин, майли, бу менинг уйим, менинг жойим, менинг одамларим. Албатта, қайтаман. Бошқа ҳар қандай мухлис каби стадионга бораман, жамоага, клубга мухлислик қиламан", - дея қайд этди Месси.
