"Вест Хэм" ҳужумчиси Никлас Фюллькруг "Милан"нинг январь ойидаги трансфер мақсадларидан бири ҳисобланади. 32 ёшли футболчи лондонликлар жамоасидаги ҳолатидан норози ва қишки трансферлар ойнасида кетишни режалаштирмоқда. Германиялик футболчига даъвогарлар орасида "россонерилар" ҳам бор - бу маълумотни нуфузли инсайдер Жанлука ди Марцио ҳам тасдиқлади: "Бу осон келишув эмас, аммо ишончим комилки, "Милан" имкониятдан фойдаланишга тайёр," - деди трансфер мутахассиси.
Никлас Фюллькруг жорий мавсум "болғачилар"нинг еттита ўйинида қатнашиб, самарали ҳаракат қилмади. Форварднинг Transfermarkt порталидаги нархи - 10 млн евро.
