"Милан"даги собиқ жамоадошлар Жанлуижи Доннарумма ва Сандро Тонали Англия Премьер-лигасининг навбатдаги турида тўқнаш келишади - "Манчестер Сити" шанба оқшомида "Ньюкасл" билан ўйнайди. Доннарумма италиялик журналистларни Тоналининг гол уришига йўл қўймаслигига ишонтирди.
"Биз гаплашдик ва у менга гол уришга ваъда берди. Лекин мен у бундай қилмайди, деб жавоб бердим. "Сити" учун бу осон ўйин бўлмайди, айниқса меҳмонда," - дея Доннарумманинг сўзларини келтиради derbyderbyderby.
Эслатиб ўтамиз, Англия Премьер-лигасининг жорий мавсумида Сандро Тонали ҳали гол ургани йўқ.
