Италия терма жамоасининг собиқ дарвозабони, ҳозирда жамоада координатор сифатида ишлаётган Жанлуижи Буффон Италия футболи мавзусида ўз фикрлари билан ўртоқлашди.
"Биласизми, унинг асл муаммоси нимада? Биз ҳеч қачон кесишмайдиган иккита алоҳида оламда яшаймиз. Бир томондан, тарихимиз бизни такаббур қилиб қўяди. Биз илоҳий қонун бўйича ҳамма нарса ўзимизга тегишли деб ўйлаймиз. Бошқа томондан, биз футболни таҳлил қиламиз ва кучсиз жамоалар қолмаганини тан оламиз.
Аммо бу кучсиз жамоалар сизни қийин аҳволга солиб қўйганда ёки сиз уларни 1:0 ҳисобида қийинчилик билан ютганингизда, бундай ютиш мумкин эмаслигини эшитасиз. Ва бу кибр қўрқувга айланади. Ўз-ўзини йўқ қилиш билан шуғулланишни бас қилинг. Балансни топиш шунчалик қийинми?", - дея Буффоннинг сўзларини келтиради La Gazzetta dello Sport.
