"Ноттингем Форест"нинг бразилиялик ҳимоячиси Мурилло фаолиятини Англия Премьер-лигасининг бошқа клубида давом эттириши мумкин.
Caught Offside нашри журналистлари тарқатган хабарга кўра 23 ёшли футболчининг хизматларига Лондоннинг "Арсенал" ва "Челси" клублари қизиқиш билдирмоқда. "Ўрмончилар" эса бразилиялик футболчи билан 80-90 миллион евро эвазига хайрлашишга тайёр. Мурильонинг "Ноттингем" билан меҳнат шартномаси 2029 йилнинг ёзида якунига етади.
Ҳимоячи жорий мавсум 12 та ўйинда иштирок этиб, ўз ҳисобига 1 та гол ёздириб қўйди. Transfermarkt портали унинг нархини 55 миллион еврога баҳоламоқда.
