"Реал" ҳужумчиси Винисиус Жуниорнинг Мадриддаги келажаги ноаниқ бўлиб турибди. Бразилиялик футболчининг амалдаги шартномаси 2027 йилнинг ярмигача мўлжалланган, уни узайтириш бўйича музокаралар олиб борилмаяпти.
COPE’нинг журналист Мигель Анхель Диасга таяниб хабар беришича, июль ойидан бери ҳеч қандай янгилик ва музокаралар бўлмаган. Жараён тўлиқ "кутиш режимида". Янги учрашув ва музокаралар ҳали режалаштирилмаган.
Қайд этилишича, Винисиуснинг молиявий позицияси музокаралар жараёнини мураккаблаштиради. Ёзда футболчи клуб томонидан тақдим этилган иқтисодий таклифни қабул қилмаган эди.
