"Барселона" ёш юлдузи Ламин Ямал ўзини Лионель Месси билан таққосланишига муносабат билдирди.
"Менимча, Лионель Месси барча замонларнинг энг буюк футболчиси, лекин у менинг ҳам яхши ўйинчи эканлигимни билади. Агар бир-биримизга қарши ўйнасак, ўртамизда ўзаро ҳурмат бўлади. У шуни биладики, мен унга ўхшашга, у каби ўйнашга ёки унинг 10-рақамини кийишга уринмайман. Мен ўз йўлимдан бормоқчиман," - деб айтди Ямал CBS телеканалига.
Ла Лиганинг ўтган тури якунларига кўра, "Барселона" Испания чемпионати турнир жадвалида "Реал"ни ортда қолдириб, биринчи ўринга кўтарилди. 2 декабрь, сешанба куни Ханс-Дитер Флик жамоаси "Атлетико"ни қабул қилади.
