"Барселона" келаси йили ҳужум чизиғида Роберт Левандовскидан ёшроқ форвардни қўлга киритмоқчи. Ҳар ҳолда, бу ҳақда хориж ОАВлари анчадан бери бонг уриб келмоқда.
"Кўк-анорранглилар"ни узоқ вақтдан бери Харри Кейн ва Хулиан Альварес каби форвардлар билан боғлашади. Transfer News Live’нинг Испаниянинг Sport нашрига таяниб хабар беришича, Каталония клуби "Бавария"дан 65 миллион евро эвазига кейнни сотиб олишга кўпроқ қизиқмоқда. Бу товон пулини фаоллаштириш учун Харри клубни тарк этиш истаги ҳақида хабардор қилиши керак.
Агар 32 ёшли Кейн товон пулини фаоллаштириш ҳақида қарор қабул қилмаса, унда "Барселона" 25 ёшли Альваресга ўтади. "Атлетико" футболчисининг Transfermarkt порталидаги нархи 100 миллион еврони ташкил этади.













