Мадриднинг "Атлетико" клуби ярим ҳимоячиси Конор Галлахер январь ойидаёқ "Манчестер Юнайтед"га ўтиши мумкин. Клуб унинг трансфери учун нарх белгилади. Испан клуби тахминан 30 млн евро олишни истамоқда.
"Менимча, Галлахер қишда ёки ёзда "Атлетико"ни тарк этиш имкониятига эга. Ҳаммаси битим шартларига боғлиқ бўлади. Август ойи охирида унга "Манчестер Юнайтед" қизиқиш билдирганди, аммо ўшанда "Атлетико" ижарадан воз кечганди. Агар тўлақонли трансфер бўйича таклиф тушса, вазият ўзгариши мумкин. Манбалар маълумотига кўра, 30 млн евро атрофидаги нарх Галлахерни январда сотиб олиш учун оқилона вариант ҳисобланади," - дея маълум қилди инсайдер Фабрицио Романо.
Конор Галлахер 2024 йилнинг ёзида 39 миллион евро эвазига "Атлетико"га ўтганди. Жорий мавсумда англиялик футболчи мадридликлар сафида бор йўғи учта ўйинда асосий таркибда майдонга тушди.
