Лионель Месси ESPN телеканалига берган интервьюсида Аргентина терма жамоаси кетма-кет иккинчи марта яна жаҳон чемпиони бўлишга ҳаракат қилишини айтди.
"Жаҳон чемпионатидаги ғалаба биздан катта юкни олиб ташлади. Бу босимсиз ўйнаш ҳақиқий енгиллик бўлди. Аммо бу ҳеч нарсани кафолатламайди, чунки ҳамма жаҳон чемпионатида ғалаба қозонишни хоҳлайди. Жуда кучли терма жамоалар бор - Испания, Франция, Англия, Германия ва узоқ вақтдан бери турнирда ғалаба қозона олмаган ва яна ғалаба қозонмоқчи бўлган Бразилия," - деди Месси.
Ўтган жаҳон чемпионати финалида Аргентина Францияни мағлуб этганди. 120+ дақиқадан сўнг таблода ҳисоб 3:3 эди, кейин эса "альбиселесте" пенальтилар сериясида устун келди.
