Испания терма жамоаси ва Каталониянинг "Барселона" клуби собиқ футболчиси Жерар Пике 2026 йилги жаҳон чемпионатидан нималарни кутаётгани ҳақида гапирди. Собиқ ҳимоячи Шимолий Америкада бўлиб ўтадиган жаҳон чемпионатининг фаворити ким эканини айтди.

"Французларда ҳозир энг иқтидорли терма жамоа бор деб ҳисоблайман. Қоғозга қарайдиган бўлсак, уларда энг кучли футболчилар жамланмаси бор. Аммо футболда фақат юлдуз номлар масалани ҳал қилмайди. Жамоа бир бутун бўлиши керак. Бундай жамоа ҳатто асосий фаворитни ҳам мағлуб этиши мумкин," - дея испанияликнинг сўзларини келтиради RMC Sport.

Жаҳон чемпионати келаси йилнинг ёзида бўлиб ўтади. Кубокнинг амалдаги соҳиби Аргентина терма жамоаси ҳисобланади.