"Пари Сен-Жермен" клуби ва Марокаш терма жамоаси ҳимоячиси Ашраф Ҳакимий Африка Миллатлар Кубогига тайёргарлик кўриш учун терма жамоасига қўшилади. Бу ҳақда Франциянинг Footmercato портали хабар бермоқда.
Айни дамда футболчи Чемпионлар лигаси 4-туридан ўрин олган "ПСЖ" - "Бавария" (1:2) ўйинида олган жароҳатидан тикланишда давом этмоқда. Ҳимоячи немис клуби вингери Луис Диас билан тўқнашиб кетиши оқибатида тўпиғи пайлари чўзилиб кетган. Унинг турнирдаги иштироки сўроқ остида қолмоқда.
Ҳакимийга "ПСЖ"нинг тиббий ходими ҳамроҳлик қилади, у терма жамоа бош мураббийи Валид Реграри штаби билан ҳамкорлик қилади ва марокашликнинг аҳволини кузатиб боради. Таъкидланишича, парижликлар футболчини Африка Миллатлар Кубогидан кейиноқ майдонга қайтаришни истамоқда.
