"Милан" футболчиси Адриен Рабьо А Серия 14-туридан ўрин олган "Торино"га (3:2) қарши ўйиндаги ғалабани эътироф этди.
"Биз ўйинни ёмон бошладик, аммо биринчи бўлим ўрталарида яхшироқ ўйнай бошладик ва ўзимизга иккинчи бўлимда яхшироқ ўйнашимиз, қатъийроқ бўлишимиз кераклигини айтдик. Шунингдек, темп ўзгарганини дарҳол сездик. Пулишичнинг майдонга тушиши эса бизга қўл келди.
Бу мавсумни ўзгартириши мумкин бўлган ўйинлар, бу ерда қатъиятли ва эътиборли эканлигимизни исботлайди. Биз ўйин бошиданов ўз хатти-ҳаракатларимизни яхшилашимиз керак, чунки ҳар доим ҳам 0:2 ҳисобини 3:2га ўзгартириб бўлмайди.
Бизга нимадир керак эди, вақти-вақти билан ўйинни ўзгартириши мумкин бўлган нарсани синаб кўришимиз керак эди. Хатолар бўлди, лекин энг муҳими - биз ўйинни ўзгартириш учун кўрсатган менталитет ва руҳият, жумладан, захирадан майдонга тушган футболчилар.
Бундай менталитет билан узоққа бора оламиз," - деди Рабио.
14-турдан кейин "Милан" очколарини 31тага етказиб, пешқадамга айланиб олди. Жамоа лигада кетма-кет 13 ўйинда мағлубиятга учрамади.
